Azərbaycanın biznes mühitində innovativ yanaşmaları ilə seçilən kompleks - “Biznes Park Abşeron” istifadəyə verilir. Qeyd edək ki, layihə Abşeron Logistika Mərkəzi tərəfindən həyata keçirilir və burada sahibkarlar üçün innovativ, funksional biznes mühiti yaradılmaqla yanaşı, yerli və beynəlxalq investorların diqqətini cəlb edən strateji imkanlar təqdim edilməkdədir. Bakı şəhəri, Lökbatan qəsəbəsində yerləşən Biznes Park, Azərbaycanın ilk və ən böyük özəl biznes kompleksi olaraq, ölkədə sahibkarlıq mühitinin güclənməsinə və iqtisadi inkişaf strategiyasına mühüm töhfə verəcək.

Azərbaycan Orta Dəhlizdə yeni mərhələyə qədəm qoyaraq Xəzər regionunu sadəcə tranzit zonası yox, əlavə dəyər yaradan logistika mərkəzinə çevirmək niyyətindədir. Bunu Abşeron Logistika Mərkəzinin Beynəxalq daşımalar departamentinin direktoru Nicat Əsgərov Bakıda “Xəzər və Mərkəzi Asiya - neftemalı, neft-kimyası, ticarət, logistika” mövzusunda keçirilən tədbirdə deyib. 

Abşeron Logistika Mərkəzi “YAŞAT” Fondunun təşkilatçılığı ilə beşinci dəfə həyata keçirilən “Məktəbli ləvazimatları” layihəsinə dəstək göstərib.  Layihə çərçivəsində yeni tədris ilinin başlanması ilə əlaqədar şəhidlərimizin 1-11-ci siniflərdə təhsil alan övladlarına illik dərs ləvazimatlarından ibarət hədiyyə qutuları çatdırılıb.

Bu ilin əvvəlindən indiyədək Abşeron Logistika Mərkəzində 2,7 milyon ton yük aşırılıb.

Sentyabrın 9-da Abşeron Logistika Mərkəzində Trans-Xəzər Beynəlxalq Nəqliyyat Marşrutundan (TBNM) keçən Çin (Çjetszyan) – Avropa Dəmiryol Ekspres marşrutunun 5 illiyi və Yivu (Çin) – Bakı (Azərbaycan) qatarının qarşılanmasına həsr edilmiş tədbir keçirilib.

"ASAN Könüllüləri" Təşkilatının “ASAN Məktub” sosial proqramının təşkilatçılığı və “Abşeron Logistika Mərkəzi”nin dəstəyi ilə 3-14 yaş aralığında olan Balakən regionundan 27, Ağdaş regionundan 51 və Zaqatala regionundan 42 aztəminatlı uşağın arzusu reallaşdırılıb.