Abşeron Logistika Mərkəzinin təşəbbüsü ilə ölkədə logistikanın inkişafı üzrə təhlillər aparılması məqsədilə Araşdırmalar və İnkişaf Mərkəzi yaradılıb.

Abşeron Logistika Mərkəzi logistika və ticarətin inkişafına dair müəyyən edilmiş hədəfə uyğun olaraq, yük dövriyyəsinin artırılması, tranzit yüklərin cəlb edilməsi və həmin yüklər üzərində əlavə dəyər yaradılması istiqamətində bir sıra strateji layihələr həyata keçirir. Hal-hazırda Mərkəzdə gömrük rejimlərinin effektiv tətbiqi ilə qonşu ölkələrin gömrüklü anbarlarında saxlanılan yük həcmlərinin bir qisminin ölkəyə cəlb edilməsi məqsədilə tranzit yüklərin emalından və re-eksport rejimindən yararlana biləcək bir çox beynəlxalq şirkətlərlə danışıqlar aparılır. Həmçinin daşınan yüklərin dəmiryoluna cəlb edilməsi vasitəsilə ölkədə dəmiryolu ilə daşınan yüklərin həcminin artırılması hədəflənmişdir.

Abşeron Logistika Mərkəzinin İdarə Heyətinin sədri Ziya Ağayevin müsahibəsi

Abşeron Logistika Mərkəzi öz inkişaf strategiyasına uyğun olaraq peşəkar kadr heyətini davamlı şəkildə gücləndirməkdədir. Bildirmək istərdik ki, İlkin Zeynallı mərkəzin Müşahidə Şurasına yeni üzv təyin edilib.

Abşeron Logistika Mərkəzi korporativ sosial məsuliyyət strategiyasına uyğun olaraq Azərbaycan Respublikasının ərazi bütövlüyünün təmin edilməsi uğrunda canlarından keçən və yaralanan qəhrəmanlarımızın ailələrinin təminatına dəstək olmaq üçün yaradılan “YAŞAT” Fonduna vəsait ayırıb.

Cəmiyyət dəstəyinin zəruri olduğu bir vaxtda Abşeron Logistika Mərkəzi də həmrəylik göstərərək Silahlı Qüvvələrə Yardım Fonduna 50 000 manat vəsait köçürüb.