MEDİA

Abşeron Logistika Mərkəzinə infotur təşkil olunub

Dövlət Gömrük Komitəsi və Azərbaycan Texniki Universitetinin birgə təşkilatçılığı ilə AzTU-nun SABAH qruplarının tələbələri üçün Mərkəzimizdə infotur təşkil olunub.

Gömrük işinin təşkili sahəsində tələbələrin məlumatlandırılması məqsədilə təşkil olunan infoturda Mərkəzin fəaliyyəti, eləcə də idxal-ixrac əməliyyatları zamanı gömrük orqanları tərəfindən həyata keçirilən gömrük nəzarəti və gömrük rəsmiləşdirilməsi prosesləri barədə iştirakçılara ətraflı məlumat verilib, onları maraqlandıran suallar cavablandırılıb.

Daha sonra isə tələbələr Mərkəzdə həyata keçirilən əməliyyatlarla və gömrük işinin təşkili ilə əyani şəkildə tanış olublar.