MEDİA
Abşeron Logistika Mərkəzinin yeni layihəsi olan Abşeron Biznes Parkı fəaliyyətə başladı
12.11.2021Abşeron Logistika Mərkəzinin yeni layihəsi olan Abşeron Biznes Parkı artıq fəaliyyətə başlamışdır. Abşeron Biznes Parkı ölkədə bir yenilikdir və burada bir çox biznes sahələrinin inkişafı üçün lazım olan infrastruktur yaradılmışdır.
Abşeron Biznes Parkında sahibkarlara emalatxana və istehsal sahələrinin yaradılması, ərazidə birbaşa məhsulların satışının həyata keçirilməsi, eyni zamanda açıq anbar sahəsində müxtəlif kateqoriyaya məxsus yüklərin saxlanılması kimi xidmətlər təklif edilir.
Həmçinin təhlükəsiz mühitin yaradılması istiqamətində ən son texnologiyalarla təchiz edilmiş kamera nəzarəti və yanğından mühafizə üçün 24/7 formatında güvənli xidmət göstərilir.
Qeyd etmək istərdik ki, ərazinin Abşeron Tikinti Materialları Mərkəzi, Meyvəli, Sədərək və Binə ticarət mərkəzlərinə yaxın yerləşməsi, yüklərin saxlandığı ərazidə “showroom” lar yaradıla bilmə imkanı, həmçinin şəhərin sıxlığından uzaq, əlverişli yol əlaqəsi sahibkarlar üçün rahat biznes şəraitinin qurulmasını təmin edir. Bununla yanaşı, yüklərin birbaşa Abşeron yük dəmiryolu stansiyasına gəlməsi imkanı sahibkarları əlavə daşıma xərclərindən də azad edir.